منزلگاه دنگن دوران روھڙي ۾ امن لاءِ ڪوٽائي سيدن جو ڪردار.

 منزلگاه دنگن دوران روھڙي ۾ امن لاءِ ڪوٽائي سيدن جو ڪردار.

روھڙي شھر اندر ريلوي اسٽيشن لڳ 14 ايڪڙن مٿان جڙيل قلعو شاه آباد ۾ مقيم رضوي سيدن کي ڪوٽائي سيد بہ سڏيو وڃي ٿو ڇو جو قلعي کي وڏين ديوارن جي آلم پناه ڪري ڪوٽ بہ ڪوٺيو ويندو آھي جنهن ڪري ھن قلعي کي ھن وقت ڪوٽ مير يعقوب علي شاه ڪوٺيو وڃي ٿو ۽ ان اندر رھندڙن کي ڪوٽائي سيد جي نالي سان ياد ڪيو وڃي ٿو.

رضوي سيد امام علي نقي عليه سلام جي اولاد آھن سندن وڏو ڏاڏو سيد محمد مڪي بکري 658ھہ بکر يعني سکر ۾ آيا سندس آمد تي سندس اولاد مان جهانسي ھندستان ۾ رھندڙ سيد معين الحق جهونسوي اٺين ھجري ۾ ڪتاب منبع الانساب لکيو آھي جنهن ۾ سندس آمد ڇهين ھجري ڏيکاري آھي سيد محمد مڪي کي سيد صدرالدين فرزند ٿيو جنهن کي ٻن گهرن مان ڏھہ فرزند ٿيا جن مان پنج صاحب اولاد ٿيا ڪوٽائي سيد جو نسب نامہ ھن ريت آھي

نواب مير يعقوب رضوي 

بن سيد مير ميران ثاني

بن سيد يعقوب

بن سيد ابو اسحاق

بن سيد ابوالخير

بن سيد ٻڌل

بن سيد نعمت الله

بن سيد رڪن الدين 

بن سيد سعدالدين

بن سيد مير ميران اول

بن سيد خواجہ خلق الصدق

بن سيد تاج الدين

بن سيد صدرالدين بکري

ڪوٽائي رضوي سيدن جا وڏا پهرين سکر جي ڊي سي آفيس واري ٽڪري ھيٺان رھائش اختيار ڪئي ان بعد 697 ھجري بکر جي قلعي ۾ 928 ھہ روھڙي شھر ۽ 1088 ھہ موجوده قلعي ڪوٽ اندر

سکر اندر منزلگاه مسجد واقعي بعد سکر ۽ شڪارپور ضلعن ۾ ھندو مسلم وچ ۾ وڏي ڇڪتاڻ سبب خونريزي ٿي جنهن ۾ 19 نومبر 1939ع روھڙي ريلوي اسٽيشن لڳ ھندو تي حملو ٿيو ھڪ مارجي ويو ۽ ھڪ زخمي ٿيو وري 21 نومبر تي ٻہ ڄڻا مارجي ويا ان واقعي بعد ڪوٽ جا رضوي سيد ھٿيارن سميت پنهنجا ماڻھون وٺي گهوڙن تي ۽ پيادل پورا 20 ڏھاڙا رات ڏينهن روھڙي شھر ۾  گشت  ڪري امن برقرار ڪرايو جنهن بعد ڪوئي ناخوشگوار واقعو رونما ڪون ٿيو ۽ رھواسين سڪون جو ساه ڀريو 8 مهينن بعد ھڪ ٻيو واقعو روھڙي ريلوي اسٽيشن لڳ ميونسپل پارڪ ۾ 17 جولاءِ 1940 ۾ پيش آيو جڏھن روھڙي سب ڊويزن جي ميمبر سنڌ اسمبلي پروفيسر ھاسارام سندرداس پمناڻي کي قتل ڪيو ويو

منزلگاه واقعي بعد 1940 جي پڇاڙي ۾  روھڙي جي ھندو برادري شھر اندر ھڪ تقريب رکي جنهن جو مهمان خاص سکر جو ڪليڪٽر سڊني رڊلي ھو

 (11 مارچ 1939کان 15 جنوري 1941) ۽ عمائدين شھر ھئا جنهن ۾ شهر جي ھندو برادري ميڙاڪي کي  امن جي حوالي سان ڪوٽائي سيدن جي ڪردار جي باري ۾ آگاھہ ڪيو جنهن بعد ھندو برادري طرفان ڪوٽائي سيدن کي ڪليڪٽر ھٿان سونا ميڊل ۽ ڪجهہ کي ٻيا لوازمات ڏياريا جن ۾

مير صادق علي شاه 

سونو ٻلو

سيد پنجل شاه 

سونو ٻلو  (موجوده ميونسپالٽي چيئرمين ۽ ڪوٽائي سيدن جو پڳدار مير يعقوب علي شاه خامس سندس فرزند آھن)

سيد عبدالرزاق شاه 

 سونو ٻلو

سيد نادر علي شاه 

 سونو ٻلو

سيد عبدالرحيم  شاه 

ريشمي پٽڪو 

شيوا ۾ ھندو برادري جا ھي ماڻھون موجود ھئا

آر ايس گنگا رام

ڊاڪٽر ليکراج

ننديرام مدنداس

ڀائي مولچند ھيمراج

ڀڳوان داس پمناڻي

ھاسانند ھيمراج

سيٺ ڍولڻداس

وشنداس ڏيونداس

سيٺ سگنيچند

چنديرام ڄيٺانند

ڊاڪٽر ھرچندراءِ

تلسيداس شونداس

ڊاڪٽر ھيرانند

کيئارام ٺارومل

روچلداس سنتداس

حوالہ

.تذڪره ڪوٽائي سادات روھڙي

 .تصوير 1940ع  مانپتر

 ضميمو 6 

.نسب نامہ رضوي سادات

امداد حسين شاه رضوي

ڪوٽ مير يعقوب علي شاه روھڙي