شاه شجاع بن تيمور شاه بن احمد شاه ابداليءَ جا شڪارپور واسين مٿان ظلم
ڄم 4 نومبر 1785ع
موت 5 اپريل 1842ع سندس چاچي جي چوڻ تي شجاع الدولہ کيس ڪابل ۾ قتل ڪيو.
سندس پهريون دور حڪومت افغانستان مٿان
13 جولاءِ 1803ع کان
3 مئي 1809ع
ٻيو دور حڪومت
7 آگسٽ 1839ع کان
5 اپريل 1842ع
ھي افغانستان ۾ پنهنجي حڪومت وڃائي ڪشمير پنجاب ۽ سنڌ ۾ ڀٽڪندو رھيو مغلن وارو ڪوه نور ھيرو جيڪو نادر شاه لُٽي ايران کڻي ويو سندس قتل بعد احمد شاه ابدالي کي ھٿ لڳو جنهن بعد تيمور شاه ۽ پوءِ شاه شجاع وٽ پهتو ھو پنجاب جي حڪمران رنجيت سنگهہ کي خبر ھئي تہ ڪوه نور ھيرو ھن وٽ آھي تنهن کيس قيد ڪري ھن کان زوريءَ ھيرو ھٿ ڪيو ٻين ھنڌ تہ ھي لٽ مار ۽ عياشي ڪون ڪري سگيو پر سنڌ اندر نادر شاه دور کان سنڌو دريا جو سڄو پاسو ايرانين حوالي ٿيو ۽ ان بعد احمد شاه ابدالي يرغمالي ڪيو ۽ ھن شڪارپور ۾ پنهنجا گورنر لڳائڻ شروع ڪيا جيڪو ان وقت سنڌ جو سڀ کان مالدار ۽ وڏو ڪاروباري شھر ھو جتي شاه شجاع 1819ع کان 1821ع تائين گوڏا کوڙي اچي ويهي رھيو ۽ ايتري لٽمار ۽ ظلم ڪيو جو شڪارپور جو ھر ماڻھون ھن مان بيزار ۽ بد دعا ڏيڻ لڳو سندس ھوس جا ٻہ حوالہ مان ھتي ڏيان ٿو
کيس دولت جي ھوس ايتري ورائي وئي ھئي جو جيئرا تہ ٺھيو مئن کي بہ ڪون ٿي ڇڏيائين اتفاق سان سعادتمند قدرالڪوزئي فوت ٿيو ان جي دولت جو ٻڌي وڃي اتي پهتو جيڪو ڪجهہ سندس گهر ۾ ھو اھو کنيائين پر ھنڌ پٽ گهر جا ٿانٶَ بہ ڪون ڇڏين آخر ۾ سڄي جاءِ ڊھرائي اھو سامان بہ کڻائي ويو ۽ سندس زال کي قيد ڪري اذيت ڏئي پڇا ڪندو رھيو تہ ٻي دولت ڪٿي آھي.
ھي روزانو صبح جو سوير شڪارپور شھر کان ٻاھر گهوڙي تي چڙھي سير لاءِ ويندو ھو ھڪ ڏينهن سنڌ واه تي ڪجاون ۾ ويٺل عورتون ڏٺائين ھن ھڪ دم نيڪو خان خواجہ کي حڪم ڪيو تہ ان ۾ ڪا خوبصورت ڇوڪري ھجي تہ منهنجي حرم ۾ داخل ڪر انهن ۾ ھڪ جمعي خان جي نهايت حسين ڪنواري ڇوڪري ويٺي ھئي جيڪا بيچانجيءَ طرف وڃي رھي ھئي ان کي زوري کڻائي پاڻ سان نڪاح ڪرايو جڏھن تہ ھوَ ڪنهن جي نالي ٿيل ھئي
ٻيو واقعو
شڪارپور جا ٻہ وڏا سيٺ تولارام ۽ جيٺ سنگهہ ساڻس ملڻ آيا جيٺ سنگهہ نهايت خوبصورت ھو شاه شجاع کي خبر پئي تہ ھن جي ڀيڻ بہ نهايت خوبصورت آھي جيڪا ھن وجهہ وٺي زوريءَ کڻائي پنهنجي حرم ۾ داخل ڪئي سندس حرم ۾ 150 عورتون ھيون
ھن شڪارپور اندر انهن سالن ۾ وڏي لٽمار ڪئي ميرن کان پئسا ورتا آخر جڏھن ماڻھون ڏاڍا بيزار ٿيا ميرن افغانستان کان سردار محمد عظيم خان کي وٺي آيو تڏھن ھن شڪارپور کي ڀينگهو ڪري جند ڇڏي پر وري جنهن ٻئي افغاني کي آندو ان بہ ميرن مٿان وڏا شرط رکيا ھڪ ھڪ منزل جو ھڪ ھڪ لک جو مطالبو ڪيو
حوالہ
1.تازن معرڪن جي تاريخ
منشي عطا محمد شڪارپوري
2.نئين مصر جا پراڻا ورق
اي بي ايسٽوڪ
3.سنڌ جو سفر
لطف الله جي خودنوشت
امداد حسين شاه رضوي
ڪوٽ مير يعقوب علي شاه روھڙي.
Comments
Post a Comment