خوني دروازو دھلي
اصل نالو ڪابلي دروازو
1611ع ۾ يورپين واپاري وليم فنچ دھلي ھندستان آيو جيڪو لکي ٿو تہ دھلي ۾ ست قلعا آھن جن کي 52 دروازا آھن.
جن مان ھن وقت 13 دروازا بچا آھن انهن 52 دروازن مان ڪجهہ جا ھي نالا آھن
1.ڪابلي دروازو
2.راج گهاٽ دروازو
3.خضري دروازو
4.نگم بودھہ دروازو
5.ڪيلا جي گهاٽ جو دروازو
6.لال دروازو
7.ڪشميري دروازو
8.پٿر ڪٽي دروازو
9.لاھوري دروازو
10.اجميري دروازو
11.بدر دروازو
12. ترڪمان دروازو
13. رنجيت دروازو
14.موري دروازو
14.خيراتي دروازو
15.فراش خانہ دروازو
16.دھلي دروازو
17. ڪلڪتو دروازو
اڪثر دروازن جا نالا دھلي کان نڪرندڙ مختلف شھرن جي رستن جي مناسبت سان رکيل ھئا جينئن لاھور ڏانهن ويندڙ رستي کي لاھوري دروازو ڏنو ويو وغيره.
ھاڻي اچون خوني دروازي طرف جنهن جو اصل نالو ڪابلي دروازو ھو
اڳ بادشاه ماڻھن ۾ وحشت وجهڻ لاءِ اڪثر ماڻھن کي سزا ڏئي مين چوراھن تي، مک گذرگاه يا قلعي جي دروازن تي انهن جو مڙھہ اڇلائي يا ٽنگائي ڇڏيندا ھئا
ڪابلي دروازي تي پهريون واقعو مغل بادشاه جهانگير جي دور ۾ رونما ٿيو جڏھن اڪبر بعد جانشيني جو مسئلو ٿيو تہ عبدالرحيم خان خانا بن بيرم خان جهانگير جي ٻي ڀاءُ خسرو جي جانشيني لاءِ حمايت ڪئي جنهن تي جڏھن جهانگير بادشاھي مسند سنڀالي تہ سندس ٻن پٽن کي مارائي ھن دروازي تي سندس لاشون ٽنگائي ڇڏيون
30 آگسٽ 1659ع اورنگزيب پنهنجي ڀاءُ دارا شڪوه کي مارائي سندس سر کي ھن دروازي تي لڙڪرائي ڇڏيو (اتفاق سان اڄ 3 مارچ 1707ع اورنگزيب جي مرڻ جو بہ ڏينهن آھي
ھن دروازي تي بهادر شاه ظفر جي ٻن پٽن مرزا مغل ۽ مرزا خضر سلطان ۽ پوٽي مرزا ابو بخت کي ميجر ھڊسن 1857ع ۾ گولي ھڻي ماري ڇڏيو جڏھن ھو ھمايون جي مقبري مان کين گرفتار ڪري وٺي اچي پيو
ان واقعي بعد ڪابلي دروازي جو نالو خوني دروازو پيو
1857ع ۾ ھن دروازي تي ھندستان جي پهريون صحافي سيد محمد باقر اصل نالو علامہ سيد محمد باقر دھلوي جنهن کي برطانيا موت جي سزا ڏني ان کي ميجر ھڊسن ھن جڳهہ تي توب جي منهن ۾ وڌو ڪجهہ روايت ۾ گولي سان ماريو
1947ع ھن دروازي تي مسلمان مهاجرن جي ڪيمپ ۾ قتل عام ٿيو
نومبر 2002 ۾ ھن دروازي تي ميڊيڪل جي طالبہ کي ٽن ڄڻن زوري ريپ ڪيو جنهن بعد پوري ھندستان ۾ شور ٿيو ان تي حڪومت ھن دروازي کي پبلڪ لاءِ بند ڪري ڇڏيو
ھي دروازو شيرشاه سوري پنهنجي دور حڪومت 45_1540ع دوران تعمير ڪرايو ھو جيڪو پٿر جو جڙيل آھي جنهن جي اوچائي 50.9 فوٽ آھي جنهن جي مٿي وڃڻ لاءِ 3 ڏاڪڻيون آھن.
امداد حسين شاه
ڪوٽ مير يعقوب علي شاه روھڙي
Comments
Post a Comment