بامبي بينڪ سکر
سکر ۾ پهرين بينڪ جيڪا قائم ٿي ان جو نالو بامبي بينڪ ھو ٢٧ جنوري ١٩٢١ع ھن بينڪ جو نالو بدلائي امپيريل بينڪ آف انڊيا رکيو ويو ھي بينڪ ان وقت ڪپتان جي بنگلي يعني سکر جي ايس ايس پي جي رھائشگاه جي سامهون ۽ سکر جي پراڻي پاور ھائوس(موجوده واپڊا ڪسٽومر سينٽر) جي اوڀر ۾ ھڪ ميمڻ سيٺ جي ڪرائي تي ورتل عمارت ۾ ڪم ڪندي ھئي
ان بعد ھن جي نئين عمارت سينٽ ميري اسڪول جي سامهون تعمير ڪري کولي وئي جيڪا سادي ھڪ منزلا چونا گچ جي پلستر سان تعمير ٿيل ھئي
(قيام پاڪستان کان اڳ ھن بينڪ کي چورن زير زمين غار ڪري اسٽرانگ روم مان ناڻو چوري ڪرڻ جي ڪوشش ڪئي ھئي جنهن ۾ ھو پڪڙجي پيا ھئا)
قيام پاڪستان کان پوء ھن بينڪ جو نالو بدلائي نيشنل بينڪ آف پاڪستان رکيو ويو ٣٠ يا ٣٥ سال اڳ ھن بينڪ جي نئين خوبصورت عمارت ساڳي جڳهہ تي تعمير ڪرائي وئي آھي جنهن ۾ ھيٺ نيشنل بينڪ جي مين برانچ آھي ۽ ان مٿان ٻي منزل تي اسٽيٽ بينڪ آف پاڪستان ڪم ڪري رھي آھي
پاڪستان جي قيام کان اڳ سکر اندر ڪجهہ ٻيون بينڪون بہ ڪم ڪنديون ھيون جيڪي بعد بند ٿي ويون جن ۾
لڪس پارڪ سامهون عربن ڪواپريٽو بينڪ قائم ١٩٢١ع
بندر روڊ تي اڳوڻي ريلوي اسٽيشن لڳ پنجاب نيشنل بينڪ قائم ١٩٣٥ع
بندر روڊ تي سينٽرل بينڪ قائم ١٩٣٥ع
فريئر روڊ تي سنڌ پراونشل ڪو اپريٽو بينڪ قائم ١٩٣٨ع
(امپيريل بينڪ آف انڊيا جو بنياد رکندڙ جان مينارڊ ڪينز ھو)
امداد حسين شاه رضوي روھڙي
Comments
Post a Comment